عبر الناخب الوطني طارق السكتيوي عن سعادته بفوز المنتخب الأولمبي على نظيره العراقي بثلاثة أهداف لصفر وتأهله لربع نهائي الألعاب الأولمبية بباريس.
وقال السكتيوي في تصريح بعد المباراة:”أولا الحمد لله على هاذ الانتصار وهاذ التأهل، وكما أقول دائما “إن يعلم الله في قلوبكم خيرا يوتكم خيرا”،اللاعبين رجال وعندهم غيرة كبيرة على الوطن وكنا بغينا كاملين نفرحو الشعب المغربي”.
وأضاف السكتيوي:”كاينة أجواء زوينة بزاف ديال أسرة حقيقية واحترافية كبيرة ولاعبين كيلعبو بروح وعزيمة كبيرة”.
وتابع:”كنظن أن الثلاث المباريات اللي لعبنا كلها الفريق المغربي كان جيدا سواء في التنشيط الهجومي أو الفرص اللي تاحو ليه والماتش الأخير مكانش ساهل وكانت صفعة كبيرة لينا وكيف تانقولو رب ضارة نافعة لأنه خلاتنا معاودو الاوراق ديالنا ونشوفو ونحللو الطريقة اللي لعبنا بها”.
وواصل:”كان رد فعل ديال الرجال وديال المحترفين وديال الناس اللي كيحملو الراية الوطنية فالقلب ديالهم واللي بغاو يفرحو الشعب العربي وليس المغربي فقط”.
واسترسل السكتيوي:”دخلنا بعزيمة كبيرة ودرنا ضغط عالي على الخصم وتمكننا من تسجيل الأهداف وأنا سعيد لأنه من 1974 المغرب متأهلش للدور الثاني والحمد لله اللي وفقنا الله أننا ندوزو وحنا منتصرين فمبارتين وهادشي عمرو وقع”.
وختم حديثه بالقول:”وصلنا للهدف الأول ديالنا والثاني هو البيبان كلها محلولة ولدينا حق مشروع أننا نمشيو بعيد ولكن المحطة القادمة هي مباراة الربع بباريس”.
