أكد الناخب الوطني وليد الركراكي بعد الفوز على أندورا، أن المهم في المباريات كيفما كانت هو الانتصار، مضيفا أنه ليس ضروريا اللعب دوما مع منتخبات كبار.
وقال الركراكي: “حتى المنتخب الإنجليزي اللي عندو لعيبة كبار ربح أندورا بهدف واحد، حنا كذلك بحال المنتخبات القوية، كنلعبو باش نربحو، وماشي باش نرضيو الناس بالأداء فقط”.
وبخصوص بعض الانتقادات حول اختياراته في خط الوسط، ردّ الركراكي بحدة: “أوناحي وامرابط كيعرفو يلعبو فإفريقيا، ولو كنت جربت لعيبة جداد فوسط الميدان، ما كنّاش غادي نربحو. بغيتو ولا كرهتو، أوناحي كوايري وكيلعب مزيان مع المنتخب”.
وأضاف: “درنا 12 انتصار متتالي، علاش المدربين اللي كانو قبلي ما داروهاش؟”. وأضاف: “كتقولو عندي النجوم، واش قبل ما كانوش؟ راه كانو الشماخ، بلهندة، تاعرابت، وزيد وزيد… الفرق أن هاد الجيل جبتو أنا، مشيت بنفسي وتواصلت مع اللعابة وجمعتهم”.
وختم الركراكي كلامو بتحدي واضح: “كأس إفريقيا غادي نجيبها، الديبلومات عندي، والانتصارات حتى هي عندي، وكنواعد المغاربة أن الطموح كبير وغادي نواصلو نخدمو باش نفرحوهم”.
